Vorrundibricht vom 5. Liga A- Team

Vorrundibricht vom 5. Liga A- Team oder angers gseit:
Sandra nimmt den Ball zur Brust – und die Welt steht still!

Nach zwöi Vorbereitigsturnier und eme super lehrriche Mürre – mit dr dasjährige Erkenntnis: es git Lääde, ou in Mürre – heimer üsi Saison gstartet!

Wiu s Fränzi und dr Räber immer wei go schwanze, das Jahr uf Argentinie, müesse mir für aui Mätsche früecher atanze!

So hei mir agfange – dr 1. Match gäge Muri Bern – geng z'gliche! Ei Satz verlore u drü gwunne, aber houptsach zrügg id Basis, Zack die Bohne, bitteschön!

Neuenegg: Putzten wir weg. Im schönen Wanderland, Tschüss und weg. Aber: in Neuenegg chöi mirs besser, aber chürzer! Piuzli und Ovo sei Dank!

APRÈS: am Donnschti heimer när VBC Bärn gha. Kei Schiri da, wie wunderbar. Derfür heimer när dr Dänu gha. Är hets guet gmacht, bitteschön. Dankeschön.

Dr viert Mätsch isch gäge Marzili gsi, schad, nid im Bädli. Trotzdäm heimer se la ungerga.

NÄR : LEIDER NO KEIS REZÄPT GÄGE BURTLEF. Ahhhhh.... Ou dr Sächu isch ratlos gsi, walà, dummi Niederlag einisch me, dä Ball bruche mir grad nie me! 1:3 L
Es het nid wöue wie mir, aber ir Rückrundi gwinne mir, bitteschön!

Gäge Chäsitz hei mir so früeh Wiehnachte gha wie aube dr Loeb, Gschänkli verteilt wie blöd, aber nume ei Satz lang. Dank Kampf u Isatz ure grandiose Teamleischtig doch no gwunne! 3:1 bitteschön!

GROSSE PAUSE! Feriezyt bi Franz u Räber, dr Räscht het hert trainiert u Dirndl aprobiert….. O'zapft is….

U när simer mit dr Karawane i di grossi Stadt Uni Bärn gruedertet... linksrächtslinksrächts....mindestens drü Kilo abgno u siebehundert Närvesträng kaputt.. Emotione steigere d'Uflag…. Wär dä Mätsch nid het gseh het öpis verpasst. Volley uf höchem Niveau, viu Kampf und Chrampf u leider miteme unschöne Änd. Guet het üs i däre Situation no es Netz trennt…. Fairplay für gwüssi Lüt = Frömdwort! 15:13 im Tie-Break verlore…. Mir freue üs scho uf Revanche im Rückspiel! MIR SCHWÖRE, mir gäbe aues!

Nach nume 3 Tag Verdouiigszyt nach däm skandalöse Mätsch hei mir gägenes jungs u ufsässigs Stude doch no verdient gwunne! Bitteschön!

Fazit: Ufem 2. Platz gö mir id Wiehnachtspouse! Leget öich warm a, mir si immer no da J Ir Rückrundi si mir nämlech immer stärcher und üses Kader hei mir ono grad erwiteret: WELCOME LENA!!!!

Nach Pizza, Wein und Sein bim Geri säge mir Tschüss – bis im nöie Jahr und à plus J

Bitteschön!

 

C & C für 5LA