VOPAP 4La on Tour – quer dür's ABC – Saison 10/11
Janine, Silvie, Vali u Denise hei sech für üses super tolle Team entschide u somit simer mit 15
Spilerinne i die 4. Liga Saison gstartet.
Guatemala isch d'Entscheidig vom Rebi gsi – drum hei mir bereits ä erschti herbi Enttüschig müesse
hinäh.
Mürre, Mürre, Mürre, Party, Party, Party, Blüemli, Blüemli, Blüemli, Trinke, Trinke, Trinke, Ässe,
Ässe, Ässe, Schnee, Schnee, Schnee, Coop, Coop, Coop… ähm für was simer eigentlech hie?? Ah ja
Volley!
Brüue vom Ürsu heisst wie genau Rahel? Dini geniali Antwort het üs zum nöie Schlachtruef
verhuufe.
Ovo u Isostar, üsi super Sponsore – Täsche, Fläsche, Schoggi u Güetzi – merci Boo u Janine!
Dani Sieber wo blibsch? Hei mir üs doch so riesig gfröit uf di…
Kraftpäckli u Seili gumpe – Wuche für Wuche – aber asträngend isches immer no, o nachere 4. Liga
Saison.
Harmlos si si die Bieler u glich hei mirs vergäh u si suber mitere Niederlag id Saison gstartet.
CD bis zum Lied Nr. 8 heimer mittlerwile gnue ghört – chäme nid no meh? Mir müesse eidütig
länger ispile nächscht Saison!
Schiris drücke sich schinbar vor dä Matche gäge Burgdorf – Vorrundi ohni Schiri gspiut, Rückrundi
nach äxtra-Iladig mit 45 Minute Verspätig doch no chönne afa.
Xin chao – Asie isch für d'Boo schinbar spannender aus mir und drum verlaht si üs nach der
Vorrundi – herbi Enttüschig Nr. 2!
Wintermärchen Bern Bundesplatz
Es waren mal vor langer Zeit
ein paar Samichlöise auf dem Eis vereint
Wir dachten nun warum auch nicht
etwas mehr Teampflege schadet nicht
Da im Dezember viel zu tun
sollten wir uns auch mal ausruhn
Drum machen wirs im neuen Jahr
genau gesagt am 5. Januar
Mit Glühwein und 3-Königskuchen
wollen wirs noch mal versuchen
Auf dem Eisfeld ein paar Runden drehn
und ohne Bobos wieder aufzustehn
Im Weierli um halbsieben
und es ist sicher nicht übertrieben
Es wird ein Riesenhit
drum bringt alle etwas mit
Wer nicht pünktlich kann erscheinen
kein Problem – wir werden dort sicher etwas verweilen
Jetzt müsst ihr nur noch ohne zagen
euren Namen in die Agenda tragen
Super gsi dä Abe....;-))
Nachwuchs einisch meh, u somit bestritte mir d'Rückrundi ohni Selma ufem Spiufäud. Derfür hesch
i dere Zyt ou no dini Coaching-Fähigkeite bewise – mir suechti no ä Trainer!!
Erima-Söckli chöi leider o keni Wunder voubringe. Äs geit o mit dene weder länger no besser.
Tivoli isch u blibt es absoluts No-Go. Da cha o di überfründlechi Servierdüse nid nachehäufe.
Inzwüsche het üs leider ou d Silvie verlah, mir si auso no 11 Spilerinne – ä witeri herbi Enttüschig!
Fans heimer zum Glück no nid verlore – mir bruche öich o nächscht Saison!
Langsam aber sicher simer – was d'Garderobe-Ornig abelangt – es igspiuts Team… ufem Spiufäud
gits sicher no Verbesserigs-Potenzial.
Peanuts si si gsi di Bieler ir Rückrundi – 3:0 hei mir se abegla – es geit ja!
Q… was het dä im ABC z'sueche? Schiss Buechstabe!
Uni Bern het üs unger angerem der Ligaerhaut vermieset – herbi Enttüschig Nr. 4. Mir fröie üs
jedoch itz ufene Saison ohni d'Wäschpis.
Abstig! Ja, ä Ufstig id 3. Liga wär ja äuä o grad chli drigschosse gsi, oder?
Yes, nach sagehafte 18 Biträg uf Bola (wovon 5 vor Sändle) hei mir üs de doch no ufene Beiz chönne
einige füre Saisonrückblick.
Zwillinge vor Sändle heis gschafft, di doch rächt agspannti Diskussionsrundi im Azzurro uf tz
lockere.
Rahel – äs riese grosses MERCI für aues! Di plötzlech Rücktritt nachem Abstig hingerlaht aber scho
chli ä bittere Nachgschmack! :-) Mir chöi dir schüsch o no mau äs schriftlechs Agebot ungerbreite
fürs Traineramt nächscht Saison.
Villech hei mir nächscht Saison ä chli meh Glück…
Fränzi u Lena
